Ji Sung(지성 (배우))

Sino ito?

Isa itong pangalang Koreano; ang apelyido ay Kwak. Si Ji Sung (ipinanganak bilang Kwak Tae-geun noong Pebrero 27, 1977) ay isang artista mula sa Timog Korea. Kilala siya sa pagganap sa mga Koreanovelang drama sa telebisyon na kinabibilangan ng All In (2003), Save the Last Dance for Me (2004), New Heart (2007), Protect the Boss (2011), My PS Partner (2012), Secret Love (2013) at Kill Me, Heal Me (2015). Talambuhay Parehong tagapagturo ang kanyang mga magulang, at inaasahan si Ji Sung na pumasok din sa propesyon ng pagtuturo. Ngunit noong kanyang sopomorong taon sa mataas na paaralan, binilhan siya ng kanyang ama ng VCR at ang unang pelikulang nirenta niya ay ang Rain Man. Tumatak sa kanya ang pag-arte ni Dustin Hoffman sa pelikulang iyon at doon siya nagpasya na magiging artista siya, sa kabila ng pagsalungat ng ama niya. Sa kalaunan, nag-aral siya Teatro at Pelikula sa Unibersidad ng Hanyang.