Yoon Eun-hye

Sino ito?

Isa itong pangalang Koreano; ang apelyido ay Yoon. Si Yoon Eun-Hye (ipinanganak Oktubre 3, 1984) ay isang artista, direktor, mang-aawit, modelo, at tagapaglibang mula sa bansang Timog Korea. Unang lumabas si Yoon Eun-hye sa industriya ng paglilibang bilang kasapi ng Baby V.O.X sa gulang na labing-lima, na pinalitan ang dating miyembro na si Lee Gai noong 1999. Siya ay naging sub-vocal ng pangkat. Noong 2006, unang lumabas sa pag-arte si Yoon sa romantikong komedya na Princess Hours. May mga tagahanga ng palabas ang inusisa ang kakayahan ni Yoon sa pag-arte at nag-petisyon laban sa kanyang pagiging pangunahing bida at hiniling na palitan siya. Sa kabila ng kontrobersiya, naging matagumpay ang Princess Hours sa ibayong Asya at nagdulot kay Yoon na maging bituing Hallyu. Noong 2007, naging pangunahing bida si Yoon sa Koreanovela ng MBC na Coffee Prince. Gumanap siya bilang tomboy na napagkamalang lalaki ng kanyang tagapag-empleyo. Isa uling tagumpay kay Yoon ang seryeng iyong, na pinuri ng mga kritiko ang pagganap niya sa karakter. Sa ika-44 na Baeksang Arts Awards, nanalo siya bilang ang Pinakamahusay na Aktres, ang pinakabatang nakatanggap na parangal na iyon.