Xuxa

Sino ito?

Si Maria da Graça Xuxa Meneghel ( /ˈʃuːʃə/ SHOO-shə, Brazilian Portuguese: [maˈɾi.ɐ dɐ ˈɡɾasɐ ˈʃuʃɐ mẽneˈɡɛw]; isinilang bilang Maria da Graça Meneghel noong ika-27 ng Marso 1963) ay isang tagapagtanghal sa telebisyon, artista, mang-aawit, at negosyanteng Brasilyano. Kilala siya sa bansag na "Reyna ng mga Bata" (The Queen of Children), at siya ang bumuo ng pinakamalaking imperyo ng libangan para sa mga bata sa Amerikang Latino at Timog Amerika. Noong unang bahagi ng dekada 1990, sabay-sabay siyang nagpalabas ng mga programang pantelebisyon sa Brasil, Arhentina, Espanya, at sa Estados Unidos, na umaabot sa humigit-kumulang dalawampung milyong manonood araw-araw. Ayon sa iba’t ibang sanggunian, ang kabuuang benta ng kanyang mga album ay nasa pagitan ng tatlumpu’t hanggang limampung milyong kopya. Gayunpaman, noong taong 2025, ginawaran siya ng parangal ng Som Livre — ang tatak pangrekord kung saan niya inirekord halos lahat ng kanyang mga album — para sa dalawampu’t walong milyong kopyang naibenta sa kabuuan ng kanyang karera at sampung bilyong beses na pinakinggan sa mga platapormang dihital.