William Shockley

Sino ito?

Si William Bradford Shockley, Jr. (Pebrero 13, 1910 – Agosto 12, 1989) ay isang Amerikanong pisiko at imbentor. Kasama nina John Bardeen at Walter Houser Brattain, naimbento nina Shockley ang transistor, na dahilan ng pagkakagantimpala sa kanila ng Gantimpalang Nobel sa Pisika noong 1956. Ang pagtatangka ni Shockley sa pagsasakomersiyo ng isang disenyo ng transistor noong mga dekada ng 1950 at ng 1960 ay humantong sa pagiging mainit na kanlungan ng inobasyon sa elektroniks ng "Silicon Valley" ng California. Sa panghuling bahagi ng kaniyang buhay, si Shockley ay naging isang prupesor sa Pamantasan ng Stanford at naging isang matapat na tagapagtangkilik ng euhenika. Talambuhay Si William Shockley ay ipinanganak noong Pebrero 13, 1910, sa London, England. Ang kanyang ama ay isang inhinyero sa pagmimina mula Massachusetts, at ang kanyang ina ay nagtrabaho din sa pagmimina. Lumipat ang kanyang pamilya sa Estados Unidos noong 1913, at si Shockley ay lumaki sa California. Nakuha niya ang kanyang digring batsilyer mula sa California Institute of Technology noong 1932 at pagkatapos ay nakuha niya ang kanyang Ph.D.