William Henry Bragg

Sino ito?

Si Sir William Henry Bragg, OM, KBE, PRS (2 Hulyo 1862 – 10 Marso 1942) ay isang Britanikong pisiko, kimiko at matematiko at aktibong manlalaro na nagwagi ng Gantimpalang Nobel sa Pisika kasama ng kaniyang anak na lalaking si William Lawrence Bragg noong 1915 para sa kanilang mga paglilingkod sa pagsisiyasat ng istruktura ng kristal sa pamamagitan ng x-ray. Ang mineral na Braggite ay ipinangalan para sa kaniya at sa kaniyang anak. Siya ay ginawang kabalyero noong 1920. Talambuhay Si Bragg ay isinilang noong Hulyo 2, 1862, sa Westward, Cumberland. Nag-aral siya sa Market Harborough Grammar School at kalaunan sa King William's College sa Isle of Man. Noong 1881, naging skolar siya sa Trinity College, Cambridge, kung saan nag-aral siya ng matematika sa ilalim ni Dr. E. J. Routh. Nakamit ni Bragg ang kapansin-pansing tagumpay sa akademya, bilang Third Wrangler sa Mathematical Tripos, Part I, noong Hunyo 1884, at nakakuha ng ikaunang karangalan sa Part II noong sumunod na Enero. Pagkatapos ng pag-aaral ng pisika sa Laboratoryong Cavendish noong 1885, siya ay hinirang na Propesor ng Matematika at Pisika sa Unibersidad ng Adelaide.