Vilma Santos

Sino ito?

Si Maria Rosa Vilma Tuazon Santos-Recto (pagbigkas sa Tagalog: [ˈsantɔs ˈrɛktɔ], ipinanganak Nobyembre 3, 1953) isang Pilipinong aktres, mang-aawit, mang-nanayaw, TV host, prodyuser, at pulitiko. Siya ang dating punong bayan (mayor) ng Lungsod ng Lipa (1998-2007) at naging gobernadora (provincial governor) ng probinsiya ng Batangas mula 2007 hanggang 2016. Siya ang ina ni Lucky Manzano sa dating asawa ni Edu Manzano. Sa kasalukuyan, si Senador Ralph Recto ang kanyang asawa at mayroon silang isang anak. Maliit na bata pa lamang si Vilma ay sumuong na sa paggawa ng pelikula at una niyang ginawa ay ang Anak, ang Iyong Ina! noong 1963 kung saan nakipagtagisan siya sa drama kina Gloria Romero bilang tunay na ina at Rita Gomez bilang nag-alaga sa kanya. Pangalawang pelikula niya ay tumabo sa takilya at iyon ay ang Trudis Liit na gawa ng Sampaguita Pictures na kasama sina Luis Gonzales at ang kontrabida ay si Bella Flores bilang masungit na madrasta.