Timothée Chalamet

Sino ito?

Si Timothée Hal Chalamet /sha-la-mey/ (ipinanganak noong Disyembre 27, 1995) ay isang Pranses-Amerikanong aktor. Siya ay nakatanggap ng iba't ibang gantimpala, kasama na ang mga nominasyon para sa isang Academy Award, tatlong BAFTA Film Awards, dalawang Golden Globe Awards, at apat na Screen Actors Guild Awards, nagsimula ang kanyang pag-aartista sa mga short film at patalastas, bago siya lumabas sa tele-seryeng Homeland noong 2012. Makalipas ng dalawang taon, una siyang lumabas sa isang feature film sa drama na Men, Women & Children. Kasunod noon ay lumabas din siya sa pelikulang sci-fi na Interstellar ni Christopher Nolan. Nagsimula ang lalong pagsikat ni Chalamet noong 2017 sa kanyang pagganap bilang Elio Perlman sa romantikong-drama na Call Me by Your Name ni Luca Guadagnino. Matapos noon ay lumabas na rin siya sa mga pelikulang coming-of-age tulad ng Hot Summer Nights, Lady Bird at pati na rin sa kanluraning pelikula na Hostiles. Dahil sa kanyang pagganap sa Call me by Your Name, nakatanggap siya ng Academy Award Nomination bilang Best Actor. Naging pangatlo siya sa pinakabatang mga nominado dahil ay 22 anyos lamang noon.