Sun Tzu
Makakuha ng abiso kapag may bagong balita ang bida na ito
Browse by day
Sino ito?
Si Sun Tzu ( /suːn ˈdzuː,_suːn ˈsuː/; Tsino: 孫子; pinyin: Sūnzǐ) ay isang Tsinong heneral, estratehistang militar, manunulat at pilosopo na nabuhay sa panahong Silangang Zhou ng sinaunang Tsina. Kinaugaliang kinikilala si Sun Tzu bilang may-akda ng Ang Sining ng Pakikidigma, isang maimpluwensyang akda ng estratehiyang militar na kapwa nakaapekto sa Kanluraning at Silangang Asyanong pilosopiya at kaisipang militar. Mas nakatuon ang kanyang mga akda sa mga alternatibo sa labanan, tulad ng panlalang, pagpapaliban, paggamit ng mga maniktik at mga alternatibo sa digmaan mismo, pagbubuo at pagpapanatili ng mga alyansa, paggamit ng panlilinlang at pagkukusang pasakop, kahit pansamantala lamang, sa mga mas malalakas na kalaban. Pinagpipitaganan si Sun Tzu sa kulturang Tsino at Silangang Asyano bilang isang maalamat na tauhan sa kasaysayan at militar. Ang kanyang pangalan sa kapanganakan ay Sun Wu (Tsino: 孫武) at kilala siya bilang Changqing (Tsino: 長卿), ang kanyang pangalang panggalang, sa labas ng kanyang pamilya. Ang pangalang Sun Tzu kung saan siya ay kinikilala sa Kanluraning Mundo ay isang panggalang na nangangahulugang "Maestrong Sun". Hindi tiyak ang pagiging makasaysayan ni Sun Tzu.
