Steve Jobs

Sino ito?

Si Steven Paul Jobs (Pebrero 24, 1955 - Oktubre 5, 2011) o mas kilala bilang Steve Jobs, ay isa sa mga nagtatag at CEO ng Apple Inc. at ang CEO ng Pixar hanggang sa binili ito ng Disney. Siya ang dating pinakamalaking shareholder ng Disney at kasapi siya sa pangkat ng mga direktor ng Disney. Siya ay isa sa mga prominenteng tao sa larangan ng industriyang kompyuter at libangan. Sa huling bahagi ng 1970s, si Jobs kasama si Steve Wozniak, Mike Markkula at iba pa ay nagdisenyo, lumikha at nagbenta ng isa sa matagumpay na mga linya ng personal na kompyuter, ang Apple II series. Noong 1980's, si Jobs ang isa sa mga nakakita ng potensiyal ng Xerox PARC na may grapikal na interpasyo gamit ang isang daga na nagdulot sa pagkakalikha ng Macintosh. Pagkatapos ng pakikipag-alitan sa mga lupon na direktor ng Apple noong 1985, si Jobs ay nagbitiw sa trabaho at nagtatag ng NeXT, isang kompanya na lumikha ng plataporma ng kompyuter na pang mataas na edukasyon at pangnegosyo. Ang pagbili ng Apple sa NeXT ay nagbalik kay Jobs sa kompanyang kanyang itinatag at nagsilbing CEO nito mula 1997 hanggang 2011. Noong 1986, kanyang binili ang dibisyong grapiko ng Lucasfilm Ltd.