Ronald Reagan

Sino ito?

Si Ronald Wilson Reagan (6 Pebrero 1911 – 5 Hunyo 2004) ay isang Amerikanong aktor at politiko na naglingkod bilang ikaapatnapung pangulo ng Estados Unidos mula 1981 hanggang 1989. Siya ay naging miyembro ng Partido Republikano at at naging mahalagang pigura sa kilusang konserbatibong Amerikano. Ang kaniyang pagkapangulo ay kilala bilang Reagan era. Taal sa Illinois, nagtapos sa Eureka College si Reagan noong 1932 at kinuha noong sumunod na taon bilang isang mamamahayag para sa palakasan sa Iowa. Noong 1937, lumipat siya sa California kung saan siya ay naging isang kilalang aktor sa pelikula. Sa panahon ng kaniyang karera bilang aktor, naging pangulo si Reagan ng Screen Actors Guild nang dalawang beses mula 1947 hanggang 1952 at mula 1959 hanggang 1960. Noong dekada 1950s, pinangunahan niya ang General Electric Theater at naging isang motivational speaker para sa General Electric. Maagang buhay Ipinanganak si Ronald Wilson Reagan noong 6 Pebrero 1911 sa isang apartamento sa Tampico, Illinois sa mga magulang na sina Nelle Clyde Wilson at Jack Reagan. Nakatuon si Nelle sa Disciples of Christ, na naniniwala sa Social Gospel.