Roger Federer

Sino ito?

Si Roger Federer (bigkas: /ˈrɒdʒə ˈfɛdərər/; isinilang Agosto 8, 1981) ay isang dating dalubhasang manlalaro ng tenis mula sa Switzerland, na nakahanay bilang una sa daigdig mula Pebrero 2, 2004, sa nakatalang 231 magkakasunod na linggo. Sa unang pagkakataon, natalo siya ni Rafael Nadal ng España sa kampeonatong pang-2008 sa Wimbledon, Inglatera. Dalawampung Paligsahang Grand Slam ang napanalunan ni Federer. Kasama sa mga Paligsahang Grand Slam na napanaluhan niya ay ang Australian Open, Roland Garros (French Open), Wimbledon, at U.S Open. Isa rin siya sa tatlong manlalaro (kasama sina Agassi at Nadal) na nagwagi ng Grand Slam sa tatlong iba't ibang rabaw (Luad, Damo, at Hard court). Siya lamang ang natatanging manlalaro na nakalahok sa finals ng lahat ng Paligsahang Grand Slam na hindi bababa sa limang beses. Itinuturing pinakamagaling na manlalaro ng tenis si Federer ng karamihan sa mga sports analysts, tennis critics, at dating mga manlalaro.