Rick Astley

Sino ito?

Si Richard Paul Astley (ipinanganak Pebrero 6, 1966) ay isang British na mang-aawit na kilala sa kaniyang anyong babyface na nagtatago ng kaniyang taglay na baritonong boses pangkanta. Ipinanganak siya sa Warrington, Cheshire, England. Isang mang-aawit sa isang bandang nanananghal sa mga club sa England si Astley nang madeskubri siya noong 1985 ng record producer na si Pete Waterman na nagpangsang-ayon sa kaniyang pumunta ng London upang magtrabaho sa studyong pangrekord ng PWL. Sa ilalim ng pangangalaga ni Stock Aitken Waterman, natutunan ni Astley ang mga tungkol sa proseso ng pagrerekord at inihanda siya para sa kaniyang pangkinabukasang karrera. Ang kaniyang unang single ay ang di-gaanong kilalang “When You Gonna” nina Rick & Lisa ngunit ang kaniyang unang solo break ay ang “Never Gonna Give You Up” na nilabas noong 1987 at agad naghit. Nanatili ito ng limang linggo sa tuktok ng tsarts ng UK at naging pinakamabentang single ng taon. Nagnumero-uno din ang album na Whenever You Need Somebody, at nagpatuloy din ang singles na naghit.