Rain (mang-aawit)

Sino ito?

Si Jung Ji-hoon (Koreano: 정지훈, ipinanganak 25 Hunyo 1982), mas kilala sa kanyang pangalan sa entablado na Rain (Koreano: 비, Bi), ay isang artista, mang-aawit, manunulat ng awit, at prodyuser ng musika. Ang karera ni Rain sa musika ay kinabibilangan ng pitong album (anim na Koreano, isang Hapon), 28 single at mga konsiyertong paglilibot sa buong mundo. Natamo niya ang tagumpay sa ikatlo niyang album na pinamagatang It's Raining (2004), na bumenta ng isang milyong kopya sa Asya, at naging internasyunal na bituin. Unang lumabas si Rain sa pag-arte sa Koreanovela noong 2003 na Sang Doo! Let's Go To School. Ang kanyang pangunahing pagganap sa seryeng pantelebisyon na Full House ang nagdulot sa kanya na maging isang bituing hallyu. Noong 2008, una siyang lumabas sa pelikulang Speed Racer at bumida sa Ninja Assassin (2009) na nakatanggap ng award mula sa MTV na kauna-unahan para isang Koreano. Noong 2015, nagtayo si Rain ng kanyang sariling kompanya, ang R.A.I.N. Company. Karera Noong si Rain ay nasa gulang na 16, una siyang lumabas bilang isang kasapi ng boy band na (팬클럽). Sa kabila ng paglalabas ng dalawang album, bigo ang pangkat na maging komersyal na matagumpay.