Pythagoras

Sino ito?

"Όλα είναι αριθμός." "Óla eínai arithmós.""Ang lahat ay bilang." Si Pitagoras o Pythagoras (Griyego: Πυθαγόρας; Latin: Pythagoras; Kastila: Pitágoras), ipinanganak sa pagitan ng 580 at 572 BC, namatay sa gitna ng 500 at 490 BC) ay isang Griyegong pilosopo at matematiko. Ipinanganak si Pythagoras sa pulo ng Samos, sa pampang ng Minoryang Asya. Siya ay anak nina Pythais (mula sa Samos) at Mnesarchus (isang mangangalakal mula sa Tiro). Si Pythagoras ang gumawa ng teorema ni Pitagoras o Pitagoreanong teorem (Pythagorean theorem sa Ingles) na binubuo ng a² + b² = c². Nagtatag si Pythagoras ng isa sa pinakadakilang mga paaaralang Griyego ng pilosopiya sa Katimugang Italya. Tumagal ang paaralan nang may 800 mga taon, bagaman tumitigil ito ngunit muling binubuksan. Kasama ang kanyang mga tagasunod, pinaunlad ni Pythagoras ang isang teorya ng mga bilang, kung saan naniniwala silang maipapaliwanag ang lahat ng mga bagay sa pamamagitan ng mga bilang at mga payak na pagkakaugnayan ng mga ito. Isa itong ideyang humantong sa mahahalagang mga tuklas sa larangan ng matematika, musika, at astronomiya.