Praveenar Singh

Sino ito?

Si Praveenar Singh (ipinanganak noong 16 Abril 1996) ay isang modelo at beauty pageant titleholder na naturalisadong Taylandes na may lahing Indiyano na kinoronahan bilang Miss Universe Thailand 2025. Kakatawanin niya ang Taylandiya sa Miss Universe 2025 na gaganapin sa 21 Nobyembre 2025 sa Pak Kret, Taylandiya. Dati na ring siyang nagtapos bilang 2nd runner-up sa Miss Universe Thailand 2018 at Miss Universe Thailand 2023, at 1st runner-up sa Miss Universe Thailand 2020. Sa kaniyang ikaapat na beses na sumali, napanalunan ni Singh ang titulo bilang Miss Universe Thailand 2025. Buhay at pag-aaral Ipinanganak si Praveenar Singh noong 16 Abril 1996 sa Chiang Mai, Taylandiya sa mga Indiyanong magulang. Tinapos niya ang kaniyang pag-aaral sa Satree Yala School sa Mueang Yala, Yala. Natamo ni Singh ang kaniyang bachelor's degree sa liberal studies sa Thammasat University sa Bangkok. Mga patimpalak ng kagandahan Miss Universe Thailand 2018 Nagsimula ang karera ni Singh sa mga patimpalak ng kagandahan noong 2018 nang lumahok siya sa Miss Universe Thailand 2018 bilang kinatawan ng Chiang Mai.