Pierre de Fermat

Sino ito?

Si Pierre de Fermat (Agosto 17, 1601 – Enero 12, 1665) ay isang manananggol na Pranses sa Parlement ng Toulouse, katimugang Pransiya, at isa ring technician. Itinuturing siya ng maraming mga tao bilang ang ama ng makabagong kalkulus. Siya ay kinilala sa pagtuklas sa orihinal na paraan ng paghanap ng pinakamalaki at pinakamaliit na mga ordinado ng nakakurbang mga guhit, naging tagapag-ambag din siya sa dipirensiyal na kalkulus, na hindi pa nalalaman noong kanyang kapanahunan. Dahil naman sa kanyang mga pag-aaral sa teoriya ng mga bilang, tinagurian siyang tagapagtatag ng makabagong teoriya para rito. Nakapagbigay din siya ng natatanging mga kontribusyon sa heometriyang analitiko at probabilidad. Naging bantog din si De Fermat dahil sa paggawa niya ng isang payak na pangmatematikong pahayag, ang Huling Teorem ni Fermat, na sinabi niyang mapapatunayan niya, subalit hindi niya isinulat ang kanyang katibayan. Sinubok ng mga matematikong patotohanan ito sa loob ng daan-daang mga taon bago nagawa ito. Maaari wala naman talagang katibayan si De Fermat para sa teorem na ito, ngunit inisip niyang mayroon siya nito. Ang lathalaing ito na tungkol sa Tao at Matematiko ay isang usbong.