Peter Higgs

Sino ito?

Si Peter Ware Higgs, CH, FRS, FRSE (29 Mayo 1929 - 8 Abril 2024) ay isang pisikong teoretikal na British at emeritus propesor sa University of Edinburgh. Siya ay pinakakilala sa kanyang mungkahi noong mga 1960 ng nasirang simetriya sa teoriyang elektroweak na nagpapaliwanag ng masa ng mga elementaryong partikulo sa pangkalahatan at sa partikular ng mga boson na W at Z. Ang tinatawag na mekanismong Higgs na iminungkahi rin ng ilang mga pisiko bukod kay Higgs sa parehong panahon ay humula sa pag-iral ng bagong partikulo na Higgs boson.. Inanunsiyo ng CERN noong 4 Hulyo 2012 na napatunayan ng eksperimento ang pag-iral ng isang tulad ng Higgs boson ngunit ang karagdagang pagsisiyasat ay kailangan upang malaman kung ito ay may mga katangiang aasahan mula sa Higgs boson ng Pamantayang Modelo. Noong 14 Marso 2013, ang bagong natuklasang partikulo ay tentatibong nakumpirmang + parity at ikot na sero, na dalawang mga pundamental na kriterya ng isang Higgs boson na gumagawa ritong ang unang alam na partikulong skalar na natuklasan sa kalikasan. Dahil dito, si Higgs kasama ng pisikong Belgian na si François Englert ay ginawaran ng Gantimpalang Nobel sa Pisika noong 2013.