Otho

Sino ito?

Si Marcus Otho ( /ˈəʊθəʊ/; ipinanganak na Marcus Salvius Otho; 28 Abril 32 – 16 Abril 69) ay isang emperador ng Imperyong Romano na namuno ng tatlong buwan mula 15 Enero hanggang 16 Abril 69. Siya ang ikalawang emperador ng Taon ng Apat na Emperador. Siya ay kasapi ng isang maharalikang pamilyang Etruscan at sa simula ay kaibigan at kortero ni Nero hanggang sa epektibong ipatapon sa pagkagobernador ng malayong probinsiya ng Lusitania noong 58 CE pagkatapos ng pakikipagrelasyon ni Nero sa kanyang asawang si Poppaea Sabina. Pagkatapos ng isang katamtamang pamumuno sa probinsiya, siya ay nakipagugnayan ka Galba na gobernador ng kapitbahay na Hispania Tarraconensis noong mga pag-aalsa nang taong 68. Sinamahan niya si Galba sa kanyang pagmamartsa sa Roma ngunit nag-alsa at pinaslang si Galba sa simula nang sumunod na taon. Namana niya ang problema ng pag-aalsa ni Vitelio na komandante ng hukkbo ng Germania Inferior at pinangunahan ang isang malaking puwersa na humarap sa hukbo ni Vitelo sa Labanan ng Bedriacum.