Ogie Alcasid

Sino ito?

Si Herminio Alcasid, Jr., na mas tanyag bilang Ogie Alcasid (ipinanganak 27 Agosto 1967), ay isang Pilipinong aktor, mang-aawit, kompositor, parodist, at komedyante. Siya ang kasalukuyang Presidente ng OPM (Organisasyon ng Pilipinong Mang-Aawit). Karera sa Recording Nagsimula si Alcasid bilang isang mang-aawit noong 1989 nang ilabas niya ang kanyang sariling pangalang album na Ogie Alcasid na umabot sa antas na gold record status, samantalang ang kanyang unang single na "Nandito Ako" ay pinarangalang bilang "Awit ng Taon" ng lokal na estasyong pang-radyo na Magic 89.9. Simula noon ay nakapaglabas na siya ng 18 pang mga album, kasama ang album pangpasko na Larawan ng Pasko noong 1994, isang live album (OA sa Hits (Live)) noong 2002, at apat na greatest hits album. Siya ay nakatanggap ng kabuuang labindalawang Ginto, tatlong Platinum at tatlong Doble Platinum na records Karera sa Telebisyon Nagsimula ang karera ni Alcasid sa telebisyon bilang isa sa mga host ng palabas pangkomedya na Small Brothers sa ABS-CBN noong 1992.