Neil Gaiman

Sino ito?

Si Neil Richard MacKinnon Gaiman ( /ˈɡeɪmən/; ipinanganak na Neil Richard Gaiman, 10 Nobyembre 1960) ay isang Ingles na manunulat ng maikling katha, mga nobela, mga komiks, mga nobelang grapiko, teatrong audio at mga pelikula. Kabilang sa kanyang mga kilalang gawa ang serye ng komiks na The Sandman at mga nobelang Stardust, American Gods, Coraline, at The Graveyard Book. Nanalo siya ng maraming parangal, kabilang ang mga parangal ng Hugo, Nebula, at Bram Stoker, pati na rin ang mga medalyang Newbery at Carnegie. Siya ang kauna-unahang manunulat ng parehas na mga medalyang Newbery at Carnegie para sa kaparehas na likha, The Graveyard Book (2008). Noong 2013, binoto ang The Ocean at the End of the Lane bilang Aklat ng Taon sa Briton na Pambansang Gantimpala ng mga Aklat. Maagang buhay Ang pamilya ni Neil Gaiman ay may Polako-Hudyo at iba pang Silanganing Europeong-Hudyong pinagmulan; ang kanyang lolo sa tuhod ay nanggaling mula sa Antwerp, Belhika, papunta sa NK bago ang 1914 at ang kanyang lolo ay tuluyang nanirahan sa timog ng Inglatera sa lungsod ng Hampshire ng Portsmouth at nagtatag ng maraming mga pamilihan.