Nayeon

Sino ito?

Ang Twice (Koreano: 트와이스; Hapon: トゥワイス) ay isang babaeng grupo mula sa Timog Korea na binuo ng JYP Entertainment sa pamamagitan ng pang realidad na palabas sa telebisyon na Sixteen. Ang grupo ay binubuo ng siyam na miyembro: sina Nayeon, Jeongyeon, Momo, Sana, Jihyo, Mina, Dahyun, Chaeyoung, at Tzuyu. Nag debut ang grupo noong 20 Oktubre 2015, kasama ang extended play (EP) na The Story Begins. Nagsimulang sumikat ang Twice sa Timog Korea noong 2016 nang mag-numero uno sa Gaon Digital Chart ang kanilang single na "Cheer Up". Ito ay naging best performing single ng taong iyon at naging "Song of the Year" sa Melon Music Awards at Mnet Asian Music Awards. Ang sumunod nilang single na "TT", mula sa kanilang ikatlong EP na Twicecoaster: Lane 1, ay nanguna rin sa Gaon charts sa loob ng apat na magkakasunod na linggo. Ang Twicecoaster: Lane 1 naman ay ang naging highest selling Korean girl group album ng taong 2016. Sa loob lamang ng 19 na buwan pagkatapos ng kanilang debut ay nakapag benta na sila ng humigit kumulang 1.2 milyong kopya ng kanilang apat na EP at isang espesyal na album.