Nadia Comăneci

Sino ito?

Si Nadia Elena Comăneci (ipinanganak noong 12 Nobyembre 1961) ay isang Rumanang manlalaro ng himnastika, nagwagi ng limang Olimpikong gintong medalya, at unang manlalaro na iginawad ng ganap na punto ng 10 sa isang kaganapang Olimpiko ng himnastika. Isa siya sa mga pinakasikat na manlalaro ng himnastika sa buong daigdig, na kasabay si Olga Korbut, at kinikilala sa pagpapasikat ng palakasan sa mga panig ng daigdig. Talambuhay Isinilang si Comaneci sa Gheorghe Gheorghiu-Dej (kasalukuyang Onesti), Rumaniya, bilang anak nina Gheorghe at Stefania-Alexandrina. Nanood ang kanyang buntis na ina ng pelikulang Ruso kung saan ang pangalan ng bayaning babae ng kuwento ay Nadia, ang kaliitang-salitang bersyon ng Rusong pangalang Nadežda (ibig sabihin, nang literal, "Pag-asa"). Nagpasiya siya na ipapangalanan din ang kanyang anak na Nadia. May kapatid na lalaki na nagngangalang Adrian si Comaneci na higit na bata. Karera sa himnastika Mga unang taon Nagsimula si Comaneci sa himnastika noong nasa kindergarten sa isang lokal na kuponan na tinatawag na "Flame", kung saan naroon sina Duncan at Munteanu.