Moon Jae-in

Sino ito?

Isa itong pangalang Koreano; ang apelyido ay Moon. Si Moon Jae-in (Pagbabaybay sa Koreano: [mun dʑɛ̝.in]; ipinanganak noong 24 Enero 1953) ang ika-12 na Pangulo ng Timog Korea mula 10 Mayo 2017 hanggang 9 Mayo 2022. Inihalal siya matapos ang pagtataluwalag ni Park Geun-hye sa halalang pampangulo noong 2017. Bilang pangulo, nakamit ni Moon ang internasyonal na atensyon para sa kanyang mga pagpupulong kay Tagapangulo ng Hilagang Korea na si Kim Jong Un sa inter-Korean summit noong Abril, Mayo, at Setyembre 2018, na naging dahilan kung bakit siya ang ikatlong pangulong Timog Koreano na nakatagpo ng kanilang katapat na Hilagang Koreano. Noong 30 Hunyo 2019, nakipagkita siya kina Kim at Donald Trump, noon ay presidente ng Estados Unidos, sa Korean Demilitarized Zone(DMZ). Pinapaboran ni Moon ang Sunshine Policy, isang mapayapang pagsasama-samang Koreano. Sa patakarang pang-ekonomiya, pinapaboran niya ang reporma ng mga chaebol, tinaas ang minimum na sahod ng higit sa 16 porsiyento, at ibinaba ang maximum na linggo ng trabaho mula 68 hanggang 52 na oras.