Mauricio Macri

Sino ito?

Si Mauricio Macri (pagbigkas sa wikang Kastila: [mauˈɾisjo ˈmakɾi]; ipinanganak noong 8 Pebrero 1959) ay isang inhinyerong sibil, negosyante at politiko, at Pinuno ng Pamahalaan ng Nagsasariling Lungsod ng Buenos Aires. Bilang anak ni Francisco Macri na isang prominenteng negosyanteng Italyano sa sector pang-industriya at konstruksyon, siya ang kumatawan sa Lungsod ng Buenos Aires sa Mababang Kapulungan ng kongreso at nahawakan na niya ang kanyang kasalukuyang tanggapan simula pa noong 10 Disyembre 2007. Itinuring siyang isang potensyal na kandidato para sa pangkalahatang halalan noong 2011, ngunit kanyang tinanggihan ang pagtakbo bilang pangulo ng bansa at sa halip ay tumakbo para sa muling pagkakahalal bilang alkalde. Nakakuha siya ng halos 47% ng boto sa halalang pang-alkalde, na nanguna sa runoff noong ika 31 Hulyo 2011, laban sa kandidatong si Daniel Filmus. Noong 22 Nobyembre 2015, pagkatapos ng pagiging patas sa unang ronda ng halalang pam-pangulo noong 25 Oktubre, nanalo si Macri sa unang sistemang two-round sa kasaysayan ng Arhentina, na tinalo ang Frente para la Victoria (Kilusan para sa Victoria) na kandidatong si Daniel Scioli at naging halal na pangulo.