Manuel Conde

Sino ito?

Si Manuel Conde (ipinanganak Manuel Urbano; Oktubre 9, 1915 in Daet, Camarines Norte – Agosto 11, 1985) ay isang artista, direktor at prodyuser mula sa Pilipinas. Bilang isang aktor, ginamit niya ang pangalang pang-entablado na Juan Urbano noong dekada 1930 maliban sa mas popular na pangalang pang-entablado niya. Maagang karera Unang siyang lumabas sa pelikula noong 1935 sa Mahiwagang Biyolin. Nakagawa siya ng halos tatlong dosenang pelikula sa ilalim ng LVN Pictures bilang bituing nakakontrata. Kalaunang karera Nagtayo siya kalaunan ng kanyang sariling kompanyang pampelikula, ang Manuel Conde Pictures, noong 1947 na gumawa ng mga klasikong pelikula, pinakakilala ang mga seryeng Juan Tamad (Si Juan Tamad (1947), Si Juan Daldal (Anak ni Juan Tamad) (1948), Juan Tamad Goes to Congress (1959), Juan Tamad Goes to Society (1960), at Si Juan Tamad At Juan Masipag sa Pulitikang Walang Hanggan (1963)).