Malala Yousafzai

Sino ito?

Si Malala Yousafzai (Urdu: ملالہ یوسفزئی‎, Pashto: ملاله یوسفزۍ, bigkas: [məˈlaːlə jusəfˈzəj]; ay ipinanganak noong 12 Hulyo 1997. Siya ay isang babaeng Pakistani at aktibista. Noong taong 2014, Siya ang nagkamit ng Gantimpalang Nobel sa edad na labing-pito. Siya din ang pinakabatang nagwagi nito sa buong mundo, ang pangalawang Pakistani at ang unang Pastun na nakatanggap ng gantimpalang Nobel . Si Yousafzai ay isang tagapag-taguyod ng karapatang pantao para sa edukasyon ng mga kababaihan at mga kabataan sa kaniyang tinubuang lupa, sa Swat, kung saan pinagbawalan ng mga Pakistaning Taliban ang mga batang babae na pumasok sa paaralan. Ang kaniyang adbokasiya ay lumago at naging isang internasyonal na kilusan, at ayon sa dating Punong Ministro na si Shahid Khaqan Abbasi, siya ay naging "pinakakilalang mamamayan" ng Pakistan. Siya ang anak na babae ng aktibistang si Ziauddin Yousafzai, siya ay isinilang sa isang Yusufzai Pashtun na pamilya sa Swat at ipinangalan sa isang Agpanong bayani na si Malalai ng Maiwand. Sina Abdul Ghaffar Khan, Barack Obama, at Benazir Bhutto ang kanyang mga huwaran, naging inspirasyon din niya ang mga kaisipan at makataong gawain ng kanyang ama.