Lu Xun

Sino ito?

Para sa nangungunang heneral sa ilalim ng Kaharian ni Wu noong panahon ng Tatlong Kaharian sa sinaunang Tsina, tingnan Lu Xun (Tatlong Kaharian). Si Lu Xun (Tsinong pinapayak: 鲁迅; Tsinong tradisyonal: 魯迅; pinyin: Lǔ Xùn), Lu Hsun, o Lu Hsün (sa sistemang Wade-Giles), ay ang pangalang pang-pluma, palayaw, o taguri kay Zhou Shuren (Tsinong pinapayak: 周树人; Tsinong tradisyonal: 周樹人; pinyin: Zhōu Shùrén; Wade–Giles: Chou Shu-jen) (25 Setyembre 1881 – 19 Oktubre 1936), na isang pangunahing manunulat na Intsik nong ika-20 dantaon. Tinuturing na tagapagtatag ng makabagong panitikang baihua (白話), isa siyang manunulat ng maiikling kuwento, namamahalang patnugot, tagapagsalin, manunuri at sanaysayista. Isa siya sa mga tagapagtatag ng Liga ng mga Makakaliwang mga Manunulat ng Tsina sa Shanghai. May malaking impuwensiya ang mga gawa ni Lu Xun matapos ang Kilusang Mayo Ika-apat hanggang sa puntong ipagbunyi't ituring na mahalaga ng rehimeng Komunista pagkalipas ng 1949. Habang-buhay na naging tagahanga ng mga akda niya si Mao Zedong.