Louis XI ng Pransiya

Sino ito?

Si Louis XI o Luis XI (3 Hulyo 1423 – 30 Agosto 1483), tinaguriang ang Prudente o ang Maingat (Pranses: le Prudent) a ang Gagambang Unibersal o ang Gagambang Pandaigdig (Gitnang Pranses: l'universelle aragne) o ang Gagambang Hari, ay ang Hari ng Pransiya mula 1461 hanggang 1483. Siya ang anak ni Charles VII ng Pransiya at Maria ng Anjou, isang kasapi ng Kabahayan ng Valois, apong lalaki ni Charles VI at Isabeau ng Bavaria at isa sa pinakamatagumpay na mga hari ng Pransiya kung paguusapan ang pagiisa ng bansa. Natatangi ang kaniyang 22-taong paghahari ng mga makinaryang pampolitika, "pagpapaikit ng sapot ng gagamba" (maingat) sa pagpapalano at intriga na naging sanhi ng kaniyang palayaw. Nagkaroon siya ng maraming mga kaaway dahil sa kaniyang mga pagpaplano at pag-ibig sa mga intriga, partikular na ang mga sumusunod: Charles VII, ang sarili niyang ama, Charles de Valois, Duc de Berry, ang kaniyang kapatid na lalaki, at Charles ang Pangahas, Duke ng Burgundy, ang kaniyang pinakamasamang kalaban. Sinasabing tuso si Louis XI at kadalasang bisyoso o masulong. Sa paglilihis ng mga kapangyarihan ng mga duke, muli niyang naitatag ang kapangyarihan ng monarkiya.