Leila de Lima

Sino ito?

Si Leila Norma Eulalia Josefa Magistrado de Lima (ipinanganak noong 27 Agosto 1959) ay isang Pilipinong abogado, aktibista para sa karapatang pantao, at isang politiko. Itinalaga siya ni Pangulong Gloria Macapagal Arroyo bilang Tagapangulo ng Komisyon ng Karapatang Pantao ng Pilipinas noong Mayo 2008 at nagsilbi sa komisyon hanggang Hunyo 30, 2010, nang siya ay italaga ni Pangulong Benigno S. Aquino III bilang Kalihim ng Katarungan. Nagbitiw siya bilang kalihim ng katarungan noong Oktubre 12, 2015 upang maituon ang panahon sa kanyang kandidatura sa Senado ng Pilipinas sa halalan noong 2016. Naihalal siya bilang senado at kasalukuyang naglilingkod bilang senador ng Pilipinas. Siya’y kasalukuyang nakapiit sa bilangguan dahil sa kasong illegal drug trading. Pagkabata Siya ang panganay na babae ng dating Komisyonado ng COMELEC, si Vicente de Lima at Norma Magistrado.Ipinanganak at pinalaki siya sa Lungsod ng Iriga, Camarines Sur, Pilipinas. Ang kanyang tiya, Si Julie de Lima, ang naging asawa ng nagtatag ng Partido Komunista ng Pilipinas, Jose Maria Sison. Nagtapos si de Lima noong 1980 mula sa Pamantasang De La Salle nang may digri sa Batsilyer ng Sining sa Kasaysayan.