Lee Seung-gi

Sino ito?

Isa itong pangalang Koreano; ang apelyido ay Lee. Si Lee Seung-gi (Koreano: 이승기; Hanja: 李昇基; ipinanganak Enero 13, 1987) ay isang mang-aawit, artista, host at tagapaglibang mula sa Timog Korea. Kilala bilang ang "Ballad King" ("Hari ng mga Balada"), nagkaroon si Lee ng mga awiting sumikat tulad ng "Because You're My Woman", "Will You Marry Me", at "Return". Lalong sumikat siya bilang aktor na nagkaroon ng pangunahing pagganap sa mga Koreanovela tulad ng Brilliant Legacy (2009), My Girlfriend Is a Nine-Tailed Fox (2010), The King 2 Hearts (2012), Gu Family Book (2013), You're All Surrounded (2014), Hwayugi: A Korean Odyssey (2017–2018) at Vagabond (2019). Lumabas din siya sa unang season ng variety show na 1 Night 2 Days mula Nobyembre 2007 hanggang Pebrero 2012, at naging host na usapang palabas na Strong Heart mula Oktubre 2009 hanggang Abril 2012. Dahil sa kanyang tagumpay bilang mang-aaawit, aktor at host, binansagan siya bilang ang "Triple Threat" na tagapaglibang. Unang beses siya naisama sa talaan ng Korea Power Celebrity ng Forbes noong 2010 bilang ikapito, kasunod bilang ikaapat noong 2011 at ikaanim sa 2012 at 2015.