Kurt Gödel

Sino ito?

Si Kurt Gödel (IPA: [kuɹtˈgøːdl]) (28 Abril 1906 sa Brünn, Austria-Hungary (ngayon Brno, Czech Republic) – 14 Enero 1978 sa Princeton, New Jersey) ay isang pinanganak sa Austria na Amerikanong matematiko at pilosopo. Si Gödel ay naging tanyag dahil sa kanyang dalawang teorema ng hindi pagiging kumpleto(incompleteness theorems) na inilimbag noong 1925. Ang mas tanyag sa dalawang teoremang ito ay nagsasaad na sa anumang konsistente sa sariling mga rekursibong aksiyomatikong mga sistema na sapat na makapangyarihan upang ilarawan ang aritmetika ng mga natural na bilang(halimbawa ang artimetikang Peano), may mga proprosisyon tungkol sa mga natural na bilang na hindi mapapatunayan mula sa mga aksioma. Upang patunayan ang teoremang ito, binuo ni Gödel ang isang teknikong tinatawag na pagbibilang Gödel(Gödel numbering) na nagkokoda ng mga pormal na ekspresiyon bilang mga natural na bilang. Sa mga huling yugto ng buhay ni Gödel, siya ay dumananas ng mga panahon ng pagkakaroon ng sakit sa pag-iisip. Siya ay nagkaroon ng obsesibong takot na lasunin. Dahil dito, si Gödel ay kumakain lamang ng pagkaing inihanda ng kanyang asawa si Adele.