Kim Sun-a

Sino ito?

Isa itong pangalang Koreano; ang apelyido ay Kim. Si Kim Sun-a (ipinanganak Oktubre 1, 1975) ay isang artista mula sa bansang Timog Korea. Kilala siya sa pagganap bilang ang pangunahing tauhan na si Kim Sam-soon sa popular na Koreanovelang My Name is Kim Sam Soon (2005). Ilan sa iba pang palabas na lumabas siya ang City Hall (2009), Scent of a Woman (2011) at Woman of Dignity (2017). Noong Oktubre 2015, pumirma ng ekslusibong kontrata si Kim sa ahensyang C-JeS Entertainment. Noong Disyembre 2017, umalis si Kim sa C-JeS Entertainment at pumirma ng bagong kontrata sa ahensyang Good People Entertainment. Talambuhay Ipinanganak si Kim Sun-a sa Daegu noong 1975. Siya ang panganay sa tatlong magkakapatid. Nang si Kim ay nasa gitnang paaralan, nandayuhan ang kanyang pamilya sa bansang Hapon at noong buong kabataan niya, nanatili siya sa Chōfu, Tokyo, kung saan natuto siyang magsalita ng wikang Hapon na matatas.