Kim Domingo

Sino ito?

Si Kim Domingo (ipinanganak Pebrero 3, 1995), ay isang Pilipinang aktres, mang-aawit, modelo, personalidad sa internet, at nagtatanghal sa telebisyon. Kilala siya sa mga palabas na telebisyon tulad ng Juan Happy Love Story, Tsuperhero at Super Ma'am. Kasalukuyang nakakontrata siya sa GMA Network. Maagang buhay Ipinanangak si Domingo noong Pebrero 3, 1995, at lumaki sa Novaliches, Lungsod Quezon. Nag-iisang anak lamang siya ng kanyang Pranses na ama na si Guy Belleville, at ng kanyang Pilipinang ina na si Fina Domingo. Yayamang naghiwalay ang kanyang mga magulang at hindi naikasal, nakuha niya ang apelyido ng kanyang ina. Sang-ayon kay Kim, maka-lola siya at istriktong pinalaki siya ng kanyang lola lamang. Nagtapos si Kim ng elementary sa Mababang Paaralan ng San Agustin, Lungsod Quezon, kung saan isang mahiyaing mag-aaral si Domingo. Pumasok siya sa Our Lady of Fatima University at kumuha ng kursong dentisterya. Karera Unang sumikat si Domingo sa kanyang pag-dubsmash ng awiting "Twerk It Like Miley" noong 2014. Pumirma siya ng isang kontrata sa GMA Artist Center noong sumunod na taon, at gumanap sa mga palabas sa telebisyon na Juan Happy Love Story at Bubble Gang.