KC Concepcion

Sino ito?

Si Maria Kristina Cassandra "KC" Cuneta Concepcion (pagbigkas sa Tagalog: [kuˈnɛtɐ kɔnˈsɛpʃon]; ipinanganak noong Abril 7, 1985) ay isang artista, mang-aawit, at taong mapagkawanggawa mula sa Pilipinas. Kabilang sa mga pinagbidahan niyang pelikulang Pilipino ang For The First Time (2008) at When I Met U (2009). Bumida din siya sa mga seryeng pantelebisyon tulad ng Lovers in Paris (2009), Huwag Ka Lang Mawawala (2013) at Ikaw Lamang (2014). Madalas siyang binabansagang "Mega Daughter", bilang pantukoy sa panpalayaw ng kanyang ina na si Sharon Cuneta na binabansagang "Megastar". Siya din ang unang Embahador Laban sa Gutom ng Pandaigdigang Programa sa Pagkain (World Food Programme) ng Mga Nagkakaisang Bansa. Embahador din siya ng World Wide Fund for Nature (WWF) Philippines (Pandaigdigang Pondo para sa Kalikasan, Pilipinas). Bilang mang-aawit, naglabas siya ng mga pang-komersyal na album. Karagdagan dito, umawit siya sa pagbubukas ng Palaro ng Timog Silangang Asya ng 2011 kasama sina Agnez Mo and Jaclyn Victor na ginanap sa Indonesia. Pansariling buhay Si Maria Kristina Cassandra Cuneta Concepcion ay anak ng mga artistang sina Sharon Cuneta at Gabby Concepcion.