Katy Perry

Sino ito?

Si Katy Perry (ipinanganak Katheryn Elizabeth Hudson; 25 Oktubre 1984) ay isang Amerikanang mang-aawit at manunulat ng kanta, at aktres. Siya ay ipinanganak sa Santa Barbara, California, at pinalaki ng kanyang mga magulang na mga Kristyanong pastor. Si Perry ay lumaki na ang tanging pinakikinggan ay mga awiting pangsimbahan. Sa kanyang kabataan, siya ay kumakanta rin sa kaniyang lokal na simbahan. Matapos magtamo ng GED sa kanyang pagtungtong sa unang taon ng mataas na paaralan, sinimulan na niya ang pagpasok sa larangan ng musika. Bilang Katy Hudson, inilabas ang sariling-titulong album na gospel (pang-ebanghelyo) noong 2001. Ngunit hindi ito naging matagumpay. Hindi naglaon ay kanya namang ni-rekord ang isang album kasama ang produksiyon na The Matrix at kinumpleto ang karamihan ng kanta ng isang solong album mula taong 2004 hanggang taong 2005, wala ni isa man dito ang nailabas merkado. Noong Hunyo 1, 2008 sinimulan niyang i-publish ang kanyang musika sa YouTube, at sa taong 2023, umabot sa 44.2 milyong subscriber ang kanyang channel sa YouTube at nakakuha ng kabuuang 25.3 bilyong panonood ng video.