Karisma Kapoor

Sino ito?

Si Karisma Kapoor (ipinanganak noong Hunyo 25, 1974) ay isang artistang Indiyano na pangunahing lumalabas sa mga pelikulang Hindi. Miyembro ng pamilyang Kapoor, anak siya ng mga artistang na sina Randhir Kapoor at Babita, at ang nakatatandang kapatid na babae ng aktres na si Kareena Kapoor. Nakatanggap siya ng ilang parangal, kabilang ang isang National Film Award (Pambansang Parangal ng Pelikula) at apat na Parangal na Filmfare. Unang lumabas si Kapoor bilang isang artista sa pelikulang Prem Qaidi noong 1991 at pagkatapos, gumanap bilang bidang babae sa ilang mga pelikulang pumatok sa takilya, kabilang ang Jigar (1992), Anari (1993), Raja Babu (1994), Coolie No. 1 (1995), Saajan Chale Sasural (1996), at Jeet (1996). Bumida sa mga nangunguna sa takilya na pelikulang romansa na Raja Hindustani (1996) at Dil To Pagal Hai (1997), itinatag ang sarili bilang isang bituin. Nanalo siya ng Pinakamahusay na Aktres sa Parangal ng Filmfare para sa nauna, at para sa huli, nanalo siya bilang Pinakamahusay na Pansuportang Aktres ng parehong National Film Award at Filmfare Award.