John McCain

Sino ito?

Si John Sidney McCain III (Agosto 29, 1936 – Agosto 25, 2018) ay isang senador ng Estados Unidos mula sa Arizona. Nagsimula siyang manungkulan bilang senador noong 1987. Napili siya ng Partidong Republikano ng Estados Unidos bilang kandidato para sa halalan ng pagkapangulo noong 2008. Nagsilbi ang ama at lolo ni McCain sa Hukbong Pandagat ng Estados Unidos. Nag-aral si McCain sa Akademya ng Hukbong Pandagat ng Estados Unidos at naglingkod sa lumaon noong Digmaan sa Biyetnam bilang sundalo ng Hukbong Kati ng Estados Unidos. Nahuli siya ng mga Viet Cong, ang katawagan sa mga militar ng Kanlurang Biyetnam na sumakop sa buong kabansaan. Habang bihag, nabilanggo si McCain ng ilang taon at nagdaan sa pagpapahirap na nagresulta sa matagalang kapansanang pangkatawan. Makalipas ang ilang panahon, naging senador ng Estados Unidos si McCain. Dati niyang sinubok na makuha ng Partidong Republikano bilang kandidato sa pagkapangulo ng bansa, subalit nakamit ito ni George W. Bush. Sinubok ulit ni McCain na makuha ang pagkakandidato ng partido noong 2008, at napili nga siya sa pagkakataong ito.