John Adams

Sino ito?

Si John Adams (30 Oktubre 1735 (O.S. 19 Oktubre 1735) – 4 Hulyo 1826) ay isang Amerikanong Amang Tagapagtatag, manananggol, politiko, diplomata at teoristang pampolitika. Bilang isang kampeon ng kalayaan noong 1776, siya ang ikalawang Pangulo ng Estados Unidos (1797–1801). Nagbuhat sa Bagong Inglatera, si Adams na isang bantog na abogado at pigurang pampubliko ay may mataas na pinag-aralan at kumatawan sa mga pagpapahalaga ng Kamulatan na nagtataguyod ng republikanismo. Bilang isang Pederalista, napaka maipluwensiya niya at isa siya sa mga susing Mga Amang Tagapagtatag ng Estados Unidos. Naging tanyag si Adams noong kaagahan ng mga hakbang ng Himagsikang Amerikano. Bilang isang delegado mula sa Massachussetts sa Kongresong Kontinental, gumanap siya ng pangunahing gampanin sa paghimok sa Kongreso na magpahayag ng kalayaan at kasarinlan at tumulong kay Thomas Jefferson sa pagbabalangkas ng Pagpapahayag ng Kalayaan. Bilang isang diplomata sa Europa, siya ang pangunahing tagapamagitan sa kasunduang pangkapayapaan sa piling ng Dakilang Britanya, at pangunahing responsable para sa pagkakamit ng mahahalagang mga inutang na salapi mula sa mga mambabangko ng Amsterdam.