JD Vance

Sino ito?

Si James David Vance (ipinanganak bilang si James Donald Bowman ; Agosto 2, 1984) ay isang Amerikanong politiko, may-akda, abogado, at beterano ng Marine Corps na nagsisilbing ika-50 bise presidente ng Estados Unidos mula noong 2025 sa ilalim ni Pangulong Donald Trump sa pangalawa at kasalukuyang administrasyon. Isang miyembro ng Partido Republikano, kinatawan niya ang Ohio sa Senado ng Estados Unidos mula 2023 hanggang 2025. Pagkatapos ng high school, sumali si Vance sa Marine Corps, kung saan nagsilbi siyang military journalist mula 2003 hanggang 2007, at na-deploy sa Digmaan ng Iraq sa loob ng anim na buwan noong 2005. Nagtapos siya sa Pamantasang Estatal ng Ohio na may bachelor's degree noong 2009 at Batasang Paaralan ng Yale na may digring abogasya noong 2013. Nagpraktis siya nang ilang sandali bilang isang abogado para sa mga korporasyon bago nagsimula sa isang karera sa industriyang teknolohiya bilang isang nagsusumikap na kapitalista (venture capitalist) . Ang kanyang salaysay ng buhay, pinamagatang Hillbilly Elegy, ay nailathala noong 2016 at inangkop sa isang pelikula noong 2020.