James Charles

Sino ito?

Si James Charles Dickinson (ipinanganak noong Mayo 23, 1999) ay isang Amerikanong YouTuber at makeup artist. Habang nagtatrabaho bilang isang lokal na makeup artist sa kanyang bayan ng Bethlehem, New York, nagsimula si Charles ng isang tsanel sa YouTube, kung saan nagsimula siyang mag-upload ng mga tutorial sa pagpapaganda. Noong 2016, siya ang naging kauna-unahang lalakeng brand ambassador para sa CoverGirl matapos mag-viral online ang isang tweet na nagtatampok ng kanyang makeup. Noong 2020, si Charles ay nag-host, nagdidirekta, at nag-co-produce ng serye ng isang reality competition na Instant Influencer sa YouTube. Naglabas siya ng eyeshadow palette at gumawa ng makeup line sa pakikipagtulungan ng Morphe Cosmetics, at nakatanggap ng maraming parangal para sa kanyang trabaho sa social media, kabilang ang dalawang People's Choice Awards, tatlong Streamy Awards, isang Shorty Award, at isang Teen Choice Award. Ang kanyang karera ay may kasamang maraming mga kontrobersya sa internet, kabilang ang isang malawakang naisapubliko na away sa kapwa YouTuber na si Tati Westbrook no'ng 2019 at ang kanyang hindi magandang pag-uugali sa mga batang lalaki na menor-de-edad noong 2021.