J. D. Salinger

Sino ito?

Si Jerome David "J. D." Salinger (bigkas: /ˈsælɪndʒər/; 1 Enero 1919 – 27 Enero 2010) ay isang Amerikanong manunulat, na kilala sa kanyang pinakatanyag na nobela ang The Catcher in the Rye. Ang kanyang huling inilathalang gawa ay noong 1965; nagbigay siya ng huling panayam noong 1980. Lumaki sa Manhattan, nagsimula sa pagsusulat ng maikling kuwento si Salinger habang nasa mataas na paaralan, at nakapaglathala ng ilang kuwento sa unang bahagi ng Dekada 1940 bago magsilbi sa Ikalawang Digmaan Pandaigdig. Taong 1948 inilathala niya ang kuwentong "A Perfect Day for Bananafish" sa The New Yorker magazine, na naging tagapaglathala nang kanyang mga sumunod na akda. Taong 1951 inilathala ni Salinger ang nobelang The Catcher in the Rye, na di naglao'y naging matagumpay. Ang paglalarawan niya ng pagiging dayuhan sa pagkabata at pagkawala ng kainosentihan ng kontrabida na si Holden Caulfield ay naging maimpluwensiya, lalo na sa mga kabataang mambabasa. Hanggang sa ngayon nananatiling kontrobersiyal at malimit binabasa ang nobela, kung saan nakakabenta ng 250,000 kopya kada taon. Talababa Mga sanggunian Alexander, Paul (1999). Salinger: A Biography. Los Angeles: Renaissance.