Ibn Battuta

Sino ito?

Si Hajji Abu Abdullah Muhammad Ibn Abdullah Al Lawati Al Tanji Ibn Battuta (Arabe: أبو عبد الله محمد ابن عبد الله اللواتي الطنجي بن بطوطة), o payak na Ibn Battuta (25 Pebrero 1304 – 1376) lamang, ay isang Arabong Morokanong Berber na dalubhasa sa Islam, manlalakbay, at tagatuklas na kilala dahil sa kanyang mga paglalakbay at mga ekskursiyong tinatawag na Rihla ("Paglalakbay"). Nagtagal ang kanyang mga paglalakbay sa loob ng halos tatlumpung mga taon at sumaklaw sa halos sa kabuuan ng nalalamang daigdig ng Islam at lampas pa, na umaabot mula sa Hilagang Aprika, Kanlurang Aprika, Timog Europa, at Silangang Europa sa Kanluran, hanggang sa Gitnang Silangan, halos-lupalop ng Indiya, Gitnang Asya, Timog-Silangang Asya, at Tsina sa Silangan, isang distansiyang lumalampas sa mga nauna sa kanya at sa kanyang halos kasabayang si Marco Polo. Ang layo ay umabot sa 75,000 mga milya. Dahil sa malawak na pagsasalaysay ng kanyang paglalakbay, karaniwang itinuturing si Ibn Battuta bilang isa sa pinakadakilang mga manlalakbay sa daigdig. Noong 1325, nagpunta si Ibn Battuta sa Mecca bilang isang pilgrimo, ang simula ng kanyang mga paglalakbay.