Hitomi

Sino ito?

Si hitomi (buong pangalan: Hitomi Furuya) ay isang modelo at mang-aawit mula sa bansang Hapon. Pinanganak siya noong ika-26 ng Enero, 1976 sa Kanagawa at nagtrababaho siya para sa avex. Talambuhay Nagsimula si hitomi bilang modelo ng babasahing "fine" noong 1993. Bilang modelo, napabilang hitomi sa "fashion show" ni Hiromi Chinakano, sa ika-15 na pagtatanghal ng "Poly Pro Scout Caravan" at ang "Naho Tota Grand Prix". Napasama din siya sa "MOMOCO CLUB" na kung saan nagsimula siya bilang mang-aawit. Noong 1994, naglabas siya ng plakang "Let's Play Winter" na pinangasiwaan ni Tetsuya Komuro. Ito ay sinundan pa ng dalawang plaka noong 1995. Ang pangalawang plaka niya: ang "We Are 'Lonely Girl'" ay umabot sa bilang na 61 sa talaang Oricon at ang pangatlong plaka niya: ang "Candy Girl" ay napasama sa "Top 15" ng talaang iyon. Naging sikat ang mga awit ni hitomi na siyang sinulat niya at pinangaswaan ni Tetsuya Komuro. At tulad ng ibang mang-aawit, si hitomi ay naging tanyag din sa larangan ng pananamit. Noong 1998, humiwalay si hitomi sa pangangasiwa ni Komuro ngunit nanatiling mabenta ang mga plaka niya.