Henry Cavendish

Sino ito?

Si Henry Cavendish FRS (10 October 1731 – 24 February 1810) ay isang Briton na siyentipiko na kilala sa kanyang pagkakatuklas sa hidroheno na kanyang tinawag na "inflammable air" (madaling magsiklab na hangin). Kanyang inilarawan ang densidad ng madaling magsiklab na hangin na lumilikha ng tubig sa kombustiyon sa papel na "On Factitious Airs" noong 1766. Kalaunan ay muling isinagawa ni Antoine Lavoisier ang eksperimento ni Cavendish at nagbigay ng pangalan sa elementong hidroheno (hydrogen). Si Cavendish ay tanyag rin sa kanyang eksperimentong Cavendish, pagsukat sa densidad ng mundo at sinaunang pagsasaliksik sa elektrisidad. Biograpiya Si Henry Cavendish ay ipinanganak noong 10 Oktubre 1731 sa Nice, Pransiya kung saan ang kanyang pamilya ay nakatira sa mga panahong it. Ang kanyang ina ay si Lady Anne Grey na anak ni Henry Grey, Unang Duke ng Kent at ang kanyang ama ay si Lord Charles Cavendish na anak ni William Cavendish, Ikalawang Duke ng Devonshire. Matutunton ang angkan ni Cavendish sa paglipas ng walong siglo sa mga panahon ng Norman at malapit na kaugnay ng mga artistokratang mga pamilya sa Britanya.

Pinagmulan: Wikipedia (CC BY-SA 4.0)·Magbasa pa sa Wikipedia ↗