Henri Matisse

Sino ito?

Si Henri Matisse (ipinanganak sa Le Cateau-Cambrésis, Nord noong 31 Disyembre 1869 – 3 Nobyembre 1954) ay isang Pranses na alagad ng sining, na nakikilala dahil sa kaniyang paggamit ng kulay at sa kaniyang "pluwido" (madaloy) at orihinal na gawi sa pagguhit. Isa siyang mangguguhit, tagagawa ng mga limbag, at manlililok, subalit pangunahing nakikilala bilang isang tagapagpinta ng mga larawan. Itinuturing si Matisse bilang isa sa pangunahing mga artista ng sining na tumulong sa paglikha ng mga kaunlarang rebolusyonaryo sa sining noong kaagahan ng ika-20 daantaon. Bagaman sa una ay tinawag siyang isang Fauve ("mabangis na hayop"), sa pagsapit ng dekada ng 1920, tumaas ang pagtanaw sa kaniya bilang isang tagapagtaguyod ng klasikal na tradisyon sa larangan ng pagpipinta sa Pransiya. Ang kaniyang kadalubhasaan sa mapagpahayag na wika ng hugis, hubog at kulay, sa gawain na sumasaklaw sa mahigit sa kalahati ng isang daantaon, ang nakapagwagi sa kaniya upang kilalanin bilang isang nangungunang pigura o tao sa modernong sining. Pamamaraan ng paggawa ng mga larawang Papiers decoupes Noong 1941, sumailalim si Matisse sa isang malaking operasyon sa bituka.