Han Chae Young

Sino ito?

Si Han Chae-young (ipinanganak Kim Ji-young noong Setyembre 13, 1980), ay isang artista mula sa bansang Timog Korea. Una siyang nakilala bilang kontrabida sa mga Koreanovelang Autumn in My Heart (2000) bago naging kilala bilang bida sa Delightful Girl Choon-Hyang (2005). Kabilang sa kanyang ibang palabas ang Only You (2005), Fireworks (2006), Boys Over Flowers (2009), A Man Called God (2010) at Pretty Man (2013). Talambuhay Si Han Chae-young ay ipinanganak bilang Kim Ji-young sa Daegu, South Korea, ngunit nandayuhan ang kanyang pamilya sa Estados Unidos at noong bata pa siya, lumaki sa suburb ng Chicago, kung saan nag-aral siya sa Glenbrook South High School. Noong bumisita siya sa Timog Korea, sinasabing nadiskubre siya ng isang Koreanong komedyante na iminungkahi sa kanya na ipagpaliban muna ang kanyang plano sa pagpunta sa kolehiyo at subukan ang pag-arte. Nang kinuha niya ang pangalan sa entablado na Han Chae-young, una siyang lumabas noong 2000 sa pelikulang katakutan na The Record. Ang kanyang pagganap bilang kontrabida sa Autumn in My Heart ay nagbigay sa kanya ng karagdagang pagkilala sa kanya, bagaman pinuna ang kanyang di akmang kasanayan sa pag-arte.