George Harrison

Sino ito?

Si George Harrison MBE (25 Pebrero 1943 - 29 Nobyembre 2001) ay isang Ingles na manunugtog, gitarista, mang-aawit, manunulat ng awit, aktor at prodyuser ng pelikula na naging kilala sa buong mundo bilang pangunahing gitarista ng bandang The Beatles. Madalas na ituring bilang ang "tahimik na Beatle," naging masugid na tagasunod si Harrison ng mistisismong Indiyano at ipinakilala ito sa ibang mga Beatles, pati na rin sa kanilang mga tagapakinig. Matapos maghiwalay ang banda, nagkaroon siya ng matagumpay na karera bilang isang solo artist at matapos ay naging bahagi ng grupong Traveling Wilburys, kasabay ng pagiging prodyuser ng mga pelikula at ng mga rekord. Si Harrison ay nakatala bilang ang ika-21 sa "100 Greatest Guitarists of All Time" ng magasing Rolling Stone. Kahit na karamihan ng mga kanta ng The Beatles ay isniulat/inilathala ni Lennon at McCartney, ang mga album ng The Beatles ay karaniwang nilalagyan ng isa o dalawang kanta ni Harrison mula sa album na With The Beatles. Ang ilan sa mga karagdagang komposisyon niya sa The Beatles ay "Here Comes the Sun", "Something" at "While My Guitar Gently Weeps".