G. H. Hardy

Sino ito?

Si Godfrey Harold "G. H." Hardy FRS (7 Pebrero 1877 – 1 Disyembre 1947) ay isang sipnayanong Ingles na kilala sa kanyang mga nagawa sa teorya ng bilang at sipnaying pasurian. Siya ay karaniwang kilala sa mga nasa labas ng larangang ng matematika para sa kanyang sanaysay noong 1940 ukol sa palasantingan ng sipnayan, A Mathematician's Apology na kadalasang itinuturing na isa sa pinakamahusay na mga kabatiran sa loob ng isipan ng isang gumagawang matematiko na isinulat para sa karaniwang tao. Mula 1914, siya ang naging tagapagpayo ng matematikong Indianong si Srinivasa Ramanujan, isang ugnayan na kinapupurihan. Doon, nakilala niya ang pambihira bagaman hindi naturuang katalinuhan ni Ramanujan. Sa isang panayam ni Paul Erdős nang tanungin si Hardy kung ano ang pinakadakilang ambag niya sa matematika, kanyang agarang tinugon ang pagkakatuklas niya kay Ramanujan. Tinawag niya ang pakikipag-uugnayan kay Ramanujan bilang isang pagkakataong kagalak-galak sa kanyang buhay.