Facebook

Sino ito?

Ang Facebook (tuwiran na "aklat ng [mga] mukha") ay isang social networking website na walang bayad ang pagsali at pinapatakbo at pag-aari ng Facebook, Inc. na isang pangmadlang kumpanya. Maaring sumali ang mga tagagamit dito nang nakaayos ayon sa lungsod, pinagtratrabahuan, paaralan at rehiyon upang makaugnay at makihalubilo sa ibang mga tao. Maaring magdagdag rin ng mga kaibigan at magpadala ng mensahe sa kanila, at baguhin ang kanilang sariling sanaysay upang ipabigay-alam sa kanilang mga kaibigan ang tungkol sa kanilang sarili. Tumutukoy ang pangalan ng pook-sapot na ito sa mga mukang nasa aklat na papel (paper facebooks) na isinasalarawan ang mga kasapi ng isang kampus na pamayanan na ibinibigay ng ilang kolehiyo at preliminaryong paaralan sa Estados Unidos sa mga papasok na mga mag-aaral, guro o propesor, at mga trabahador bilang isang paraan na makilala ang ibang tao sa kampus. Itinatag ni Mark Zuckerberg ang Facebook kasama ang kamag-aral niya sa agham pangkompyuter at kasama sa silid na sina Dustin Moskovitz at Chris Hughes habang mag-aaral pa siya ng Pamantasan ng Harvard.