Eddie Romero

Sino ito?

Si Eddie Sinco Romero (Hulyo 7, 1924 – Mayo 28, 2013) ay isang prodyuser, direktor at manunulat (screenwriter) na ipinahayag na Pambansang Alagad ng Sining ng Pilipinas sa larangan ng sinema noong 2003. Unang yugto ng buhay Noong Hulyo 7, 1924 ay ipinanganak si Eddie Sinco Romero kina Jose E. Romero at Pilar Sinco. Napangasawa niya si Carolina Gonzales at nagkaroon sila ng tatlong anak. Edukasyon Nakapagtapos si Eddie Romero ng elementarya at haiskul sa Unibersidad ng Silliman noong 1935 at 1940. Natapos niya ang Batsilyer ng Sining sa Unibersidad ng Pilipinas at ang Associate in Arts sa Unibersidad ng Silliman. Nakuha niya ang kanyang doktorado sa Foundation University ng Lungsod ng Dumaguete. Mga nagawa Ilan sa mga nagawa niya ay ang "Buhay Alamang" noong 1952, "Day of the Trumpet" noong 1957, "The Scavengers" noong 1958, "Man on the Run" noong 1959, "The Raiders of Leyte Gulf" noong 1963, "The Beast of the Yellow Night" noong 1971, "Beyond Atlantis" noong 1971, “Ganito Kami Noon…Paano Kayo Ngayon?” noong 1976, "Aguila" noong 1981, "Kamakalawa" noong 1981, "A Case of Honor" noong 1988, "Noli Me Tangere" noong 1992, at "Faces of Love" noong 2006.